Drejtoresha e sapoemëruar e Shërbimit të Çështjeve të Brendshme dhe Ankesave Anila Trimi ka raportuar këtë të premte në kuvend në lidhje me punën e kryer nga SHÇBA, teksa nuk ka mundur t’i shmanget dhe pyetjes për incidentet në protestën e Kalimashit.
Në dalje të raportimit të saj me dyer të mbyllura, gazetarët e kanë pyetur Anila Trimin në lidhje me hetimet dhe veprimet abuzive që i janë faturuar punonjësve të policisë në protestën e disa ditëve më parë në tunelin e Kalimashit, kundër vendosjes së taksës në Rrugën e Kombit.
Drejtorësha e SHÇBA-së është shprehur se deri më tani nuk ka ende një konkluzion nga institucioni që ajo drejton.
“Ende nuk kemi një konkluzion. Kur të merret vendimi për veprimet e policisë, do të njoftoheni”, ka thënë për gazetarët drejtoresha e SHÇBA-së, Anila Trimi./a.m.
