Shqipëria luan me 26 mars kundër Norvegjisë në Elbasan një miqësore, teksa ky takim do t’i shërbejë trajnerit Christian Panucci për të parë nga afër disa lojtarë të rinj. E gjitha kjo bëhet për të krijuar një ide të qartë për grupin e futbollistëve ku trajneri italian do bazohet për kualifikueset Euro 2020. Një nga emrat e fundit që është zbuluar se do të jetë me kuqezinjtë është edhe sulmuesi Rei Manaj.
Futbollisti i huazuar nga Interi te Granada në Spanjë nuk ka pasur shumë hapësira, por kjo nuk e ka ndalur Panucci-n t’i japë një mundësi 21-vjeccarit për të treguar vlerat e tij. Manaj është ftuar edhe më parë në Kombëtare nga De Biasi, duke u aktivuar madje edhe në kualifikueset e Botërorit kundër Izraelit për disa minuta. Më parë sulmuesi është aktivizuar me Shpresat, kurse tani rikthehet në kombëtaren e madhe.
ma.me
