Ndeshja me Portugalinë, Nani: Shqipëria luan futboll të bukur, do ta kemi të vështirë
Mesfushori i famshëm portugez Nani vlerësnon kombëtaren shqiptare përpara përballjes më 7 shtator. Ylli i skuadrës luzitane deklaron se kombëtarja jonë luan një futboll të bukur.
“Do të jetë një sfidë e komplikuar. Kohët e fundit, Shqipëria ka regjistruar rezultate të mira. Përballë tyre luajtëm në fillim të eliminatorëve dhe treguan që praktikojnë një futboll të bukur. Nuk presim të jetë e lehtë, pasi shqiptarët luajnë në shtëpi”, tha Nani.
Ndërkohë që për shkak të Shqipërisë ish-trajneri Bento portugez u largua nga drejtimi i kombëtares luzitane, pas kombëtarja kuqezi fitoi 1-0 në Aveiro të Portugalisë. Në vendin e tij u emërua Fernando Santos. Me teknikun e ri, luzitanët i kanë fituar katër ndeshjet e luajtura dhe kryesojnë Grupin I, ndërsa mesfushori i Fenerbahçes vlerëson ecurinë.
