Shefi i Urgjencës Kombëtare, Skënder Brataj foli në një intervistë për ‘Report Tv’ në emisionin ‘Sot Live në Shqipëri’ me gazetarin Andi Kapxhiu duke thënë se janë përgatitur për finalen e madhe të Conference League.
Nëse do të ketë sërish përplasje të tifozëve, planet e gatishmërisë shëndetësisë janë që spitali i Traumës të jetë në dispozicion të tifozëve të Romës, ndërsa Sanatoriumi për ata të Feyenoordit.
“Janë tre plane, është i asistencës brenda stadiumit ku janë përfshirë 7 ekipe fikse në dhomat e stadiumet, ka një shtrat për çdo qendër nëse ndonjë person do të përkeqësohet, janë 8 ekipe të lëvizshme, 2 autoambulanca dhe një në pjesën e jashtme të stadiumit nëse do të jetë e nevojshme do të spostohet në infermierinë e përgjithshme.
Sa i përket planit të qytetit, janë tre Fan Zone, tek Amfiteatri me tifozët e Romës, tek pedonalja janë të Feyenoordit dhe tjetra. Të gjithë ato që kemi në dispozicion për qytetin vijojnë punën e tyre. Kemi dhe një tjetër në aeroport. Plani i tretë është i spitaleve dhe sic UEFA veproi me organizimin e tifozerive, e njëjta është bërë me spitalet. Spitalet janë ndarë se nëse ka zënkë, meqë italianët janë të shumtë në numër të jetë në dispozicion spitali i Traumës dhe për hollandezët të jetë Sanatoriumi”, tha Brataj.
/e.d
