Presidenti i SHBA-së, Donald Trump do të nënshkruajë një projekt-ligj mbi sigurinë kufitare, duke shmangur mbylljen e qeverisë të premten.
“Ai planifikon ta shpallë zyrtarisht kufirin jugor të SHBA një emergjencë kombëtare”, tha të enjten kreu i shumicës së senatit Mitch McConnell.
Por, politikanët demokratë dhe republikanë kanë kritikuar ashpër planin e Presidentit Trump për të përdorur kompetencat emergjente për të paguar murin në kufi me Meksikën.
Masa e përdorur rrallë, do t’i mundësonte Trump të anashkalojë Kongresin, i cili ka refuzuar të miratojë fondin e nevojshëm.
Demokratët akuzuan presidentin për “shpërdorim të pushtetit” dhe një “veprim të paligjshëm”.
Gjithashtu edhe disa republikanë shprehën shqetësim për këtë plan.
Ndërtimi i një muri në kufi me Meksikën, ishte një nga premtimet kryesore të fushatës së Trump.
Deklarimi i një emergjence kombëtare do t’i jepte Trump akses në miliarda dollarë për projektin e tij.
E.Xh./
