Pak ditë pasi drejtori i Përgjithësim i Policisë së Shtetit Haki Çako zhvilloi një takim me drejtorët vendorë të Policisë, ku porositi këta të fundit të godasin grupet kriminale dhe paligjshmërinë, duket se kanë ardhur veprimet konkrete.
Në kuadër të luftës ndaj ndërtimeve pa leje, Policia e Tiranës ka zbuluar plot 20 ndërtime të paligjshme dhe ka proceduar 17 persona gjatë 24 orëve të fundit.
Policia sqaron se 4 persona janë arrestuar, 17 po procedohen në gjendje të lirë dhe 2 janë shpallur në kërkim.
Të arrestuarit janë:
– P.H., 47 vjeç, sepse në banesë po ndërtonte një kat shtesë.
– Q. K., 44 vjeç, sepse në banesë po ndërtonte një objekt.
– N. Gj., 48 vjeçe, sepse në banesë është konstatuar duke kryer punime ndërtimi.
– V. M., 57 vjeç, sepse tek sheshi i pallateve në një hapësirë publike, po kryenin punime ndërtimi.
Personat e proceduar penalisht në gjendje të lirë janë:
D. L., 61 vjeç, A. B., 60 vjeç, N. R., 61 vjeç, S. Sh., 36 vjeç, V. Gj., 28 vjeç, F. D., 51 vjeçe, V. Ç., 46 vjeçe, E. J., 37 vjeç, F. M., 51 vjeçe, I. Rr., 71 vjeç, A. Ç., 34 vjeç, I. K., 52 vjeç, H. D., 57 vjeç, M. M., 69 vjeç, L. V., 32 vjeç, F. B., 23 vjeç dhe D. D., 19 vjeç.
Ndërsa në kërkim janë shpallur O.M 30 vjeç i cili ka kryer punime në garazhin e tij dhe E.H 61 vjeç, që ka kryer punime në lokal.
Një ditë më parë u shkarkua nga detyra shefi i komisariatit nr.2 Ylli Doda për neglizhencë në punën e ndërtimeve pa leje. Një oficer i policisë kriminale u arrestua në flagrancë për ndërtim pa leje.
Bashkë me të u prangos edhe specialisti i Inspektoriatit të Mbrojtjes së Territorit në Bashkinë e Tiranës. Shefi i policimit në komunitet, inspektori i policisë kriminale dhe ai i rendit u shkarkuan nga detyra dhe ndaj tyre nisi procedimi disiplinor.
