Kryeministri Edi Rama ka publikuar pamje nga punimet për rrugën Peshkopi-Maqellarë.
Nëpërmjet një postimi në rrjetet sociale, kreu i qeverisë thekson se ky aks jo vetëm do të shkurtojë distancat mes fshatrave përreth Dibrës e Tiranës, por se rruga do të jetë një mbështetje për bujqësinë dhe agroturizmin e zonës.
“Vijon puna në kantierin e rrugës Peshkopi-Maqellarë, Loti 3 ku aktualisht po punohet për gërmimin, mbushjen e trupit të rrugës dhe ndërtimin e dy urave.
Ky aks rrugor vazhdim i rrugës së Arbrit, jo vetëm do të shkurtojë distancat mes fshatrave përreth Dibrës e Tiranës, por se rruga do të jetë një mbështetje për bujqësinë dhe agroturizmin e zonës”, shprehet Rama.
/a.r
