Ka ndërruar jetë pasditen e sotme ish-ambasadori dhe ish-deputeti shqiptar Qazim Tepshi. Ish-ambasadori ynë në Çeki dhe Itali ka ndërruar jetë pasditen e sotme pas një ataku kardiak të pësuar.
Qazim Tepshi është një nga ambasadorët më të mirë të diplomacisë shqiptare. Ai ka një bekgraund të madh në fushën e diplomacisë që në periudhën e regjimit komunist e deri në vitet e fundit. Në vitet e regjimit komunist Qazim Tepshi është vlerësuar si një diplomat karriere. Pas rrëzimit të regjimit komunist ai iu kushtua pjesërisht politikës, ku në një periudhë ishte edhe deputet i Parlamentit Shqiptar.
Qazim Tepshi i ka kushtuar një pjesë të madhe të punës së tij edhe çështjes së Kosovës dhe nuk ka ngurruar të shkruajë edhe libër për diplomacinë në lidhje me këtë çështje. Në vitin 2005 Qazim Tepshi emërohet ambasador i Shqipërisë në Çeki, post që e mban deri në vitin 2010.
