Komisioni Europian ka reaguar në lidhje me çështjen e HEC-eve në Tropojë, pas një letre që iu është drejtuar atyre nga shoqata TOKA.
Në reagimin për shoqatën TOKA, KE thekson rëndësinë e zbatimit sa më të shpejtë të vendimeve gjyqësore, që sipas tyre janë të detyrueshme.
KE shprehet se mbrojtja e mjedisit është një çështje e rëndësisë së veçantë.
KE: Jemi të vetëdijshëm për zhvillimet e fundit në lidhje me HEC-et në Luginën e Valbonës. Theksojmë rëndësinë e një procesi gjyqësor të drejtë për çështjen, i rëndësishëm zbatimi i shpejtë i vendimeve gjyqësore të detyrueshme.
Kemi ngritur shpesh nevojën për respekt të standarteve mjedisore. Komisioni e ka nënvizuar më tej këtë çështje në Raportin e tij Vjetor 2021 për Shqipërinë
Investimet në hidrocentrale duhet të bëhen në mënyrë rigoroze, në përputhje me mbrojtjen e mjedisit. Duhet zbatimi i shpejtë i vendimeve gjyqësore të detyrueshme, është një parim kyç të shtetit të së drejtës.
Në dialogun tonë politik me autoritetet shqiptare, veçanërisht në kuadrin e Marrëveshjes së Stabilizim Asociimit BE-Shqipëri, ne kemi shpeshherë ka ngritur nevojën për të respektuar standardet mjedisore.
Kujtojmë se ka qenë Gjykata e Lartë ajo që ka vendosur për pezullimin e punës së HEC-eve në Valbonë, që shfrytëzohen nga kompania Gener 2. Gjatë ditës së djeshme, me ndërhyrjen e zyrës së përmbarimit dhe policisë së Tropojës, u konstatua se puna në HEC-e ka ndalur, pavarësisht se dëmi i bërë në natyrë është i konsiderueshëm.
/b.h
