Forcat e Ushtrisë dhe helikopteri po punojnë për të shuar një vatër të re zjarri që ka rrezikuar Gjirin e Gramës pas mesnate dhe një vatër të rindezur mbi fshatin Dukat.
Ministri i Mbrojtjes Niko Peleshi bëri me dije këtë mëngjes se ka dyshime të forta që zjarri i riaktivizuar në Dukat është i qëllimshëm dhe kërkoi ndihmën e banorëve që të japin informacione nëse kanë për autorët.
“Kemi filluar operacionin m mbështetjen e helikopterit që ka ardhur nga Hollanda.
Kemi pasur një qetësim e shuarje të zjarreve në Karaburun, gjatë mesnatës ka pasur vatër të re në gjirin e Gramës ose një riaktivizim ose një rindezje mbi Dukat.
E kishim fikur atë vatër para disa ditësh, tani po punojmë sepse mëngjesin sotëm është gdhirë e rindezur.
Kemi dyshime të forta për zjarrvënie të qëllimshme. Do e vijiojmë deri në fund betejën tonë, mbetet e hapur ftesa për komunitetin për të na ndihmuar me informacione për këta zjarrvënës që duhet të marrin vendimin që u takon një herë e mirë sipas ligjit”, tha Peleshi.
Ndërkohë kryeministri Edi Rama, teksa ka ndarë këtë video shkruan se tashmë në Vlorë është eleminuar në pjesën më të madhe të vatrave, por është riaktivizuar një vatër intensive në malin e Dukatit, e cila ishte e shuar pak ditë më parë.
g.kosovari
