Aktivisti shqiptaro-amerikan Gary Kokalari përmes një komenti ka treguar se i ka dorëzuar ambasadores Yuri Kim një video ‘bombë’ për Presidenti Ilir Meta.
Kokalari tregon se i ka dorëzuar ambasadores videon e Dritan Priftit për Metën, dhe e ka paralajmëruar që të ketë kujdes gishtat kur i jep dorën Metës.
Nga Gary Kokalari, SHBA:
Nëse Meta ka marrë një qëndrim anti-amerikan, nga njëra anë është e kuptueshme, sepse nëse do isha si ai, do e interpretoja faktin që Eskobari e shpërfilli, si një shenjë që ai mund të jetë tjetri në rradhë për të marrë një mesazh nga Sekretari Blinken.
Dhe nuk mendoj se do jetë në formën e një kartoline krishtlindjesh.
Nga ana tjetër, është një hipokrizi e madhe kur merr në konsideratë që Meta ka qenë një nga shpenzuesit më të mëdhenj te kompanitë lobuese në Uashington dhe që kjo është bërë vetëm me qëllimin për të fituar dashurinë dhe dhembshurinë e anëtarëve me influencë të Kongresit dhe Shtëpisë së Bardhë.
Në një nga komunikimet e mia të mëparshme me ambasadoren Kim, unë ndava me të videon famëkeqe të shfaqjes Meta-Prifti dhe me pak fjalë, e paralajmërova të numërojë gishtat pasi të shtrëngojë dorën me Ilirin.
Jam shumë i sigurt që FBI ka disa ekspertë shumë të zotë që mund ta ripërcaktonin vërtetësinë e videos së Priftit, meqënëse Meta, për arsye të forta, dyshoi në kompetencën e tyre. Në vend të tyre, ai përdori ekspertët më të mirë shqiptarë që mund të blinte paraja për ta ndihmuar të rrëshqiste nga aktakuza.
Për mendimin tim, mjafton vetëm video e Priftit për ta sanksionuar Metën për korrupsion, njëjtë si Sali Berisha, por hamendësoj që qeveria amerikane ka gjithashtu një dosje po aq të trashë dhe të pisët sa dosja e Saliut, e ndoshta më të trashë!
Ilir Meta dhe Sali Berisha janë njësoj në vënien e lakmisë së tyre të pangopur përpara të mirës së vendit dhe për sa më takon, ndëshkimi më i mirë për ta do ishte futja e tyre në burg dhe t’i lësh ta kalojnë pjesën e mbetur të jetës bashkë.
Në të njëjtën qeli! Sepse në këtë mënyrë, secili.prej të dyve do t’i kalonte ditët e tij të fundit mbi tokë me një djall.
/a.r
