Ministri i dorëhequr Sandër Lleshaj, ka reaguar pas konferencës së përbashkët të zhvilluar nga Policia e Shtetit dhe Policia Italiane ditën e sotme, ku në fokus ishtë lufta kundër kultivimit të kanabisit gjatë vitit 2020.
Përmes një postimi në Facebook, Lleshaj shkruan se, Italia konfirmoi një arritje të madhe të Shqipërisë, pasi sipas tij, 2020-ta ka shënuar vitin me minimumin e sasisë së kanabisit të trafikuar drejt Italisë nga Shqipëria.
Arsyet e këtij suksesi për ish-ministrin e Brendshëm, janë vullneti politik, angazhimi policor dhe Bashkëpunimi ndërkombëtar, ku spikat sipas tij spikat ai me Italinë.
Postimi i plotë
Ndarja e Shqipërisë nga kanabisi
Sot Italia konfirmoi një arritje të madhe të Shqipërisë. 2020-ta shënon vitin me minimumin e sasisë së kanabisit të trafikuar drejt Italisë nga Shqipëria: 37% më pak nga 2019.
Arsyet e këtij suksesi historik gjenden tek shumë faktorë, ku po veçoj:
Vullneti i paepur politik;
Angazhimi i fortë policor;
Bashkëpunimi ndërkombëtar, ku spikat ai me Italinë.
Operacioni i sotëm i SHÇBA-së dhe PSH në Vlorë, ku u shkatërrua një rrjet prej 41 personash, përfshirë edhe punonjës të Policisë, është vetëm një shembull që tregon se përse kemi arritur tek ky sukses që duhet të bëjë krenar të gjithë ata që kanë luftuar për këtë qëllim madhor.
Faleminderit Italisë për pjesëmarrjen në këtë luftë fitore të rëndësishme.
/a.r
