Pas ndarjes së re territoriale, Ministria e Çshtjeve vendore ka hartuar planin e veprimit për zbatimin e strategjisë së decentralizimit, që do të realizohet në tri faza ndërkohë që Plani i Veprimit përmban mbi 150 veprime të detajuara.
Faza I. Afatshkurtër (2015–2016)
Në reformë përfshihen disa veprime dhe masa të menjëhershme, të cilat është e mundur të arrihen në një afat të shkurtër. Fokusi kryesor i reformave në këtë fazë do të jetë rishikimi i të gjithë kuadrit ligjor ekzistues, veçanërisht të ligjit për organizimin dhe funksionimin e qeverisjes vendore, si dhe miratimit të ligjit për financat vendore, që do të miratohen si një paketë e tërë ligjore. Veprimet kryesore afatshkurtra në fushën legjislative do të jenë:
Rishikimi dhe miratimi i paketës së plotë ligjore Në këtë fazë do të rishikohen dhe miratohen
ligjet e mëposhtme:
– ligji i ri për organizimin dhe funksionimin e qeverisjes vendore;
– ligji i ri për financat e qeverisjes vendore;
– formula e re për ndarjen e grantit të pakushtëzuar;
– modeli i ri i organigramave të bashkive;
– plani kombëtar afatmesëm për trajnimin e NJQV-ve;
– programi i trajnimit për njësitë e qeverisjes vendore;
– rishikimi i legjislacionit për taksën e pasurisë dhe ngritja e kadastrës fiskale;
– ngritja dhe funksionimi i Agjencisë së Zbatimit të Reformës Territoriale;
-rishikimi i ligjit për prefektin/prefektin;
– rishikimi funksional i sektorit të ujësjellëskanalizimeve;
– rishikimi i ligjit për shërbimin zjarrfikës;
– ngritja e kapaciteteve për aplikimin e projekteve të financuara nga BE-ja;
– mbështetja institucionale dhe infrastrukturore për periudhën e tranzicionit pas reformës
territoriale;
– rishikimi i legjislacionit në fushën e shërbimeve sociale dhe përkujdesjes shoqërore;
– rishikimi i ligjit të strehimit social;
– mbështetja për kapacitetet vendore në fushën e zhvillimit ekonomik vendor.
Faza e dytë – afatmesme (2017 deri më 2018)
Në këtë fazë do të trajtohen çështje të rëndësishme që lidhen me zbatimin e reformës së re territoriale-administrative dhe konsolidimin e njësive të reja vendore, si dhe konsolidimin e kapaciteteve të qeverisjes vendore:
– funksionalizimi i zyrave unike të shërbimit (one stop shop) në të gjitha njësitë administrative;
– mbështetja për administratën tatimore në nivel vendor;
– mbështetja për funksionimin e këshillave të bashkive;
– harmonizimi i politikave të zhvillimit rajonal dhe lokal;
– programi për standardet minimale për shërbimet publike në nivel vendor;
– monitorimi i qeverisjes vendore mbi bazë performancën e shërbimeve publike;
– planet vendore të menaxhimit të pyjeve dhe kullotave;
– programi i trajnimit për njësitë e qeverisjes vendore;
– kalimi i kompetencave për shërbimin e mbrojtjes kundër zjarrit;
– konsolidimi i funksionimit për ujitjen dhe kullimin;
– konsolidimi i funksionit të mirëmbajtjes së rrugëve urbane dhe rurale;
– transporti publik.
Faza e tretë – afatgjatë (2019 deri më 2020)
Politikat dhe veprimet në këtë fazë do të orientohen nga zbatimi i kuadrit ligjor dhe reformave të hartuara në fazat e mëparshme dhe rishikimit afatmesëm që do t’i bëhet strategjisë. Në këtë fazë veprimet do të kenë përmbushjen dhe verifikimin e qëllimit final të strategjisë për rritjen e eficiencës në nivel vendor dhe fuqizimin e qeverisjes vendore.
Monitor
