Policia kufitare në Kakavijë njofton se ka proceduar penalisht një 57-vjeçar i cili dyshohet se po tentonte të trafikonte në Greqi 808 kartëmonedha dhe monedha koleksioni.
Shërbimet e Policisë, në dalje të RSh-së, gjatë kontrollit të ushtruar në vijën e dytë, në çantën e shtetasit Q. H., gjetën dhe sekuestruan 223 kartëmonedha dhe 585 monedha koleksioni, të cilat nuk i kishte deklaruar sipas përcaktimeve ligjore në fuqi.
Në përfundim të veprimeve procedurale ndaj shtetasi Q.H. nisi procedimi penal për veprën penale “Trafikimi i veprave të artit dhe kulturës”.
Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
/a.r
