Policia ka ndaluar tre shtetas, të cilët janë kapur duke qarkulluar të dehur me mjetet e tyre.
Sipas policisë, në pranga ka rënë, Arjan Myftaraj, 48 vjeç, banues në Patos. Arrestimi i këtij shtetasi u bë pasi në aksin rrugor Fier-Patos, duke drejtuar mjetin tip Benz me targa AA 475 HS ka lëvizur në sens të kundërt e nuk u është bindur urdhërit të punonjësve të policisë për të ndaluar. Pasi i është bërë testi i alkolit, ky shtetas rezultoi në gjëndje të dehur. (Nenet 291, 242 të Kodit Penal).
Po ashtu u arrestua, Enton Lika, 44 vjeç, banues në lagjen “Isa Boletini”, Vlorë. Arrestimi i këtij shtetasi u bë pasi në aksin rrugor Fier-Vlorë, duke drejtuar mjetin tip Fiat me targa AA 449 CR është përplasur me mjetin tip Ford me targa AA 735 FN dhe me pas është larguar nga vëndi i aksidentit. Nga përplasja ka patur vetëm dëme materiale dhe nga testi i alkolit ky shtetas rezultoi në gjëndje të dehur. (Nenet 291, 273 të Kodit Penal).
Policia ka arrestuar gjithashtu dhe Fabion Hodo, 30 vjeç, banues në lagjen “Naftetari” Patos. Arrestimi i këtij shtetasi u bë pasi në aksin rrugor Levan – Fier, në vëndin e quajtur “Qafa e Koshovicës”, është kapur duke drejtuar në gjëndje të dehur mjetin tip Mitsubishi me targa AA 955 FS. (Neni 291 i Kodit Penal). /b.d