Ndalohen nga policia 2 vajza në Tiranë, dyshohet të jenë motrat nga Durrësi
Policia e Tiranës ka ndaluar mëngjesin e së dielës dy vajza të reja që po pinin kafe në qendër të kryeqytetit në bar “Taivani”. Ka qenë kamerieri i barit që ka lajmëruar policinë se kishte dyshime që dy vajzat janë motrat Kajtazi nga Durrësi që akuzohen se helmuan prindërit, vodhën kursimet dhe dogjën shtëpinë e tyre përpara se të largoheshin pa lënë gjurmë, transmeton AlbNews.al.
Lapsi.al u interesua pranë policisë së Tiranës dhe mësoi se po bëhen verifikimet për rastin, por ende nuk konfirmohet gjetja e dy motrave durrsake. Dy vajzat akuzohen se helmuan prindërit, vodhën kursimet e familjes dhe i vunë flakën shtëpisë përpara se të largoheshin pa lënë gjurmë. Prej ditësh vajzat ishin shpallur në kërkim nga policia.
