Policia Kufitare Kakavijë kap 12 shtetas të huaj të cilët kishin hyrë ilegalisht nëpërmjet kufirit jeshil nga Greqia në Shqipëri.
Nga Shërbimet e Policisë Kufitare Kakavijë janë kapur 12 (dymbëdhjetë) persona në vendin e quajtur “Post Katund”.
Pasi u kapën këta persona u shoqëruan për në zyrat e Pikës Kufitare Kakavijë ku u intervistuan.
Nga zbatimi i procedurave nga Sektori i Migracionit, rezultoi se:
Shtetasit ishin të gjithë (dymbëdhjetë) nga Pakistani.
Të gjithë këta persona kishin hyrë ilegalisht nga kufiri jeshil me Greqinë për të shkuar në Malin e Zi.
Destinacioni i tyre ishte Gjermania.
Klandestinët në përfundim të procedurave janë rikthyer përsëri në shtetin grek.
