Gjykata e Apelit të Krimeve të Rënda ka liruar bzinesmenin Orest Sota, i ndaluar nga policia me shumën e 863 mijë eurove dhe patentat e lundrimit të ish-ministrit Saimir Tahiri.
Ndaj tij gjykata ka vendosur masën e detyrimit të paraqitjes pranë organit të Policisë Gjyqësore.
Po ashtu, për lirimin e Sotës gjykata ka vendosur garanci pasurore në shumën e 5 milionë lekëve.
Prokuroria bashkoi dosjen e biznesmenit me çështjen hetimore ndaj ish-ministrit, i akuzuar për bashkëpunim me grupin e Habilajve në trafikun e drogës.
Prokuroria dyshonte se shuma e parave që iu bllokua biznesmenit i përkiset ish-ministrit, nisur nga patentat e tij që ndodheshin në makinë.
Por, biznesmeni dorëzoi disa prova në prokuroria sipas të cilave paratë do i jepeshin firmës Kurum si garanci për blerjen e një sasie hekuri. Po ashtu, nga përgjimet u zbulua se patentat ishin harruar në mjetin e Sotës nga shoferi i Tahirit.
