Deputeti socialist Petro Koçi ka reaguar në Debat në A2 CNN dhe në lidhje me incidentin që u shënua në kufirin grek, ku grupi i gazetarëve të A2 u ndalua për disa orë.
Sipas Koçit, këto situata marrin një kriticizëm të madh evropian, teksa shtoi se kjo gjë nuk ka ndodhur kurrë me gazetarët grekë në vendin tonë.
“Unë mendoj që ishte një episodi shëmtuar që komprometon palën greke. Faktin që detyrohet një ministër i Jashtëm të ndërhyjë është absurde. Këto ngjarje marrin kriticizëm evropian dhe nga shoqatat ndërkombëtare të gazetarëve dhe duhet të shërbejë si një tërheqje veshi në të ardhmen. Le të shpresojmë që grekët të kenë vënë vend me gazetarët. Kjo nuk ndodh kurrë me gazetarët grekë. Kjo është liri, demokraci dhe duhet të respektojmë standardet”, u shpreh Koçi.
