Është ndarë nga jeta në moshën 68-vjeçare, Nikoll Shullani, kryetar i Shoqatës së Pajtimit të Gjaqeve. Mësohet se Shullani vuante prej kohësh nga një sëmundje e rëndë, që do ti merrte edhe jetën.
Ai ndërmjetësoi edhe për lirmin e Jan Prengës të rrëmbyer vite më parë, teksa trupi i tij nuk është gjetur ende.
Nikoll Shullani do të tregonte në një intervistë se si u kontaktua nga dy vëllezërit e Jan Prengës, i cili ishte marrë peng më 17 janar 2020, dhe të gjitha takimet që ai ka bërë me familjet, Doç, Gështenja dhe Bleta, që vëllezërit Prenga dyshonin se ishin rrëmbyesit e 49-vjeçarit.
Ai tha se ishte Anton Prenga, ai që e ka takuar dhe i ka treguar për rrëmbimin dhe bisedat e Ndrek Prengës me Gramoz Rexhepin, që zbuloi emrat e grupit të Dukagjinit.
Ndërmjetësimi është kryer në familjet në zonën e Dukagjinit, të Gentjan Doçit, ku babai i tij tha se ka 7 muaj pa biseduar me djalin.
Ndërkohë në shtëpinë e Gentian Bletës nuk kanë qenë asnjë burrë, dhe në banesë ndodhej vetëm një grua, pa mundur të hyjnë në bisedime e ndëmjetësim për lirimin e Jan Prengës. Në të dyja takimet e zhvilluara në Shkodër, bisedimet kanë dështuar.
/e.d
