Është ndarë nga jeta në moshën 82-vjeçare ish-ministri i Jashtëm i Sllovakisë dhe deputeti i Parlamentit Evropian, Eduard Kukan.
Kukan ishte ministër i Jashtëm i vendit të tij nga viti 1998 deri në vitin 2006. Ai zuri vendin e tretë në zgjedhjet presidenciale të vitit 2004.
Ai ishte anëtar i Parlamentit Evropian nga viti 2009 deri në vitin 2019.
Në vitin 1999 ai shërbeu gjithashtu si i dërguar i posaçëm i Kombeve të Bashkuara për Kosovën, i emëruar nga Sekretari i Përgjithshëm i atëhershëm i OKB-së, Kofi Annan.
Këtë rol ai e mbajti së bashku me Carl Bildt.
Eduard Kukan do të mbahet mend si një mbështetës i Shqipërisë në rrugën e saj drejt Bashkimit Europian.
/a.r
