Ka humbur jetën në moshën 70-vjecare Fitim Gërxhalliu, i cili ndryshe njihej edhe si kreu i firmës piramindale “Gjallica”. Ai është pëcjellë ditën e sotme në varrezat e Sharrës orën 12:00. Gërxhalliu jetonte në një banesë me qira te Komuna e Parisit, ku dhe ndërroi jetë. Ai u përcoll në banesën e fundit nga të afërmit dhe miqtë e tij.
Fitim Gërxhalliu
Kush ishte Fitim Gërxhalliu?
Gërxhalliu kishte disa vjet që kishte dalë nga burgu, pasi ai ishte arrestuar për shkak së bashku me Shemsie dhe Gani Kadrien, krijuan firmën piramidale “Gjallica”, që u ndërtua ashtu sikurse dhe disa të tjera në vitet 90. Krijimi i kësaj firme pramidale shaktoi një dëm prej 332 milionë dollarësh për rreth 69,808 persona. Këto piramide u shkatëruuan në vitin 1997-ën, vit i cili për shqiptarët ishte fatkeq.
Pronarja e shoqërisë tregtare “Gjallica”, e cila themelua në Gjykatën e Tiranës në dhjetor të vitit 1991, ishte Shemsie Kadria. Në vitin 1993 me të u bashkuan edhe shoqëritë e Gani Kadrisë dhe Fitim Gërxhalliut, por në letrat zyrtare ortakja e vetme e firmës ishte Shemsie Kadria.
Për këtë arsye, në 17 shkurt të vitit 1997-ës Gani Kadria u mor i pandehur. Në të njëjtën ditë u mor i pandehur edhe miku i tij, Fitim Gërxhalliu. Ndërkohë, Shemsie Kadria ishte larguar nga Shqipëria dhe për të u shpall urdhër-arresti ndërkombëtar. Në janar të vitit 2001, Gjykata e Shkallës së Parë jep 20 vjet burg, për Fitim Gërxhalliun, ndërsa në qershor të po atij viti Gjykata e Apelit e ul në 11 vjet burg. Ndërsa për Gani Kadrien, nga 20 u dha 10 vjet burg. Gërxhalliu kishte 8 vjet që kishte dalë nga burgu dhe jetonte në një banesë me qira te Komuna e Parisit.
g.kosovari
