Ish-ambasadori i Bashkimit Europian në Shqipëri, Helmuth Lohan, ka ndërruar jetë pasditen e djeshe.
Lajmi i vdekjes së tij u bëhet me dije nga delegacioni i BE-së në Shqipëri.
“Delegacioni i BE-së është thellësisht i pikëlluar dhe i tronditur nga ndarja nga jeta e ish-ambasadorit Helmut Lohan. Ne kemi humbur një koleg, mik dhe një avokat të përkushtuar për të ardhmen e Shqipërisë në BE. Mendimet tona dhe keqardhje e thellë për familjen e tij”, shkruhet në postimin e tij.
Lohan u nda nga jeta në moshën 73- vjeçare dhe ishte ambasador në Shqipëri në vitin 2010.
Ndërkohë ish-ministri Ditmir Bushati, përmes një postimi në profilin e tij, ka shprehur keqardhjen për ndarjen nga jeta të Lohan.
“Përveç se një mik i çmuar, Helmuth Lohan ishte një burrë i përkorë dhe njohës i shkëlqyer i makinerisë e burokracisë evropiane. Vitet e shërbimit të tij në Shqipëri përkojnë me përpjekjet tona për të hedhur hapin e parë, atë të aplikimit për anëtarësim në Bashkimin Europian. #RIP“, ka shkruar Bushati.
/a.rada
