Gjatë mbrëmjes së djeshme ka ndërruar jetë Jonuz Kastrati, i ati i biznesmenit të njohur Shefqet Kastrati. Lajmin e trishtë e ka njoftuar vetë djali i të ndjerit, Shefqet Kastrati.
Mësohet se homazhet të ndarjes nga jeta të Jonuz Kastratit do të zhvillohen pranë Hotel Sheraton nga ora 11:00 deri në orën 13:00. Varrimi do të kryhet në orën 14:00 ditën e sotme, e premte, tek Xhamia e Re në Mullet.
Të dashur familjarë, të afërm dhe miq! Me hidhërim të madh familja Kastrati njofton ndarjen nga jeta të babait tonë të dashur Jonuz Kastrati.
Sot familja jonë e madhe humbi një nga shtyllat e saj, babain e urtë, gjyshin e dhembshur dhe fisnik, shërbyesin e madh të njerëzve në nevojë. Familja, duke vazhduar të ecë në gjurmët e tij, ju fton juve, të afërmve dhe miqve ta respektojmë siç e meriton njeriu ynë i dashur në ditën e fundit. Homazhet kryhen sot pranë Hotel Sheraton nga ora 11:00 deri në orën 13:00 dhe ceremonia e varrimit në orën 14:00 tek Xhamia e Re Mullet.
Qofsh i Xhenetit i shtrenjti ynë!
Me respekt Shefqet Kastrati
