Eshtë ndarë nga jeta në moshën 62 vjeçare, pas një ataku kardiak, aktori i njohur Arqile Lici. Figurë e spikatur e artit skenik dhe atij kinematografik, duke nisur nga vitet ’80, Lici la pas një galeri të tërë rolesh, ku interpretoi me mjeshtëri dhe individualitet.
Humbja e tij shënon ikjen nga skena të një aktori që bashkoi artin me humanizmin. Ata që e njohën do ta kujtojnë gjatë si njeriun që ja fali jetën profesionit, familjes dhe publikut. Ikja e Licit vjen pak ditë pas vdekjeve të dy aktorëve të tjerë të njohur, Marko Bitraku dhe Lazër Vlashi.
