Keylor Navas, portieri i Real Madridit, beson se Florentino Perez ka vepruar drejtë që ka zgjedhur Zinedine Zidanen në vend të Rafa Benitezit. Portieri i Real Madridit, Keylor Navas ka sulmuar ish trajnerin e Los Blancos, Rafa Benitezin. Ai mendon se ekipi ka bërë gjëra të gabuara nën drejtimin e spanjollit, derisa beson se me Zidanen mund të fitojnë shumë këtë sezon.
“Me Zidane kur ekipi fiton, fitojmë të gjithë, kurse kur humbim, humbim të gjithë”, ka deklaruar portieri i Kosta Rikës. “Si mund ta shoh ekipin? Me besim, me vullnet. Ne duhet të luftojmë deri në fund. Ju duhet të respektoni çdo trajner dhe kur ka një ndryshim ju duhet të jepni gjithçka që ju kërkohet”, ka theksuar ai.
“Zidane është një person i respektueshëm, ai e di atë që dëshiron dhe ne jemi aty që ta bindim. Ai ka sensin e humorit, por në seancat e stërvitore duhet të jeni serioz”, ka përfunduar Navas.
