NATO ka nisur në brigjet italiane një stërvitje ushtarake për t’i dërguar një sinjal të fortë Rusisë, e cila ëhstë shafur agresive së fundi në politikën e jashtme.
“Trident Juncture 2015”, quhet operacioni i NATOS që ka nisur në aeroportin italian të Trapanit dhe janë të pranishme dhe trupa spanjolle e portugeze.
Bëhet fjalë për një operacion që do të zgjasë deri në 6 nëntor. Më i madhe që prej përfundimit të Luftës së Ftohtë.
Objektivi i NATO-s është që të monitorojë edhe lëvizjet e Rusisë në Mesdhe.
Amerikanët e kanë cilësuar “jetik” këtë operacion dhe një “test për t’u mbrojtur nga sulmet terroriste”, por realisht synimi është tjetërkund.
Stërvitja ushtarake ka në përbërje 36 mijë trupa të vendeve të NATO-së dhe 7 vendeve partnere, 150 forca ajrore ku shumica janë avionë bombardues, 3 luftanije, dhe 60 anije më të vogla, 7 nëndetëse etj.
Sipas analistëve ushtarakë në Itali opeacioni bëhet për të verifikuar kapacitetin e përgjigjes së NATO-s ndaj kërcënimeve në frontin lindor, por realisht ata do të bëjnë një monitorim të trupave detare ruse që po përqëndrojnë forcat në Mesdhe.
