NATO dhe Rusia pritet të organizojnë një takim të ri në kuadër të përmirësimit të dialogut dhe shmangies së incidenteve ushtarake, pak pas samitit të Aleancës që do të organizohet në Varshavë ditën e premte dhe të shtunë, njoftoi sekretari i përgjithshëm i NATO-s, Jens Stoltenberg.
“Këshilli NATO-Rusi do të luajë një rol të rëndësishëm si një forum pro dialogut dhe rritjes së parashikueshmërisë në planin ushtarak”, ritheksoi Stoltenberg për shtypin në Bruksel.
Kjo është arsyeja për të cilën po bashkëpunojmë me Rusinë për të planifikuar një takim të ri pak pas samitit.
I pyetur rreth temave për diskutim që do të ishin në rend të ditës, Stoltenberg deklaroi se nuk ishin përcaktuar ende, por ai kërkoi kryesisht çështje që kanë të bëjnë me transparencën dypalëshe për të shmangur incidente ushtarake, por gjithashtu edhe ato në planin stërvitor.
Takimi i fundit i Këshillit NATO-Rusi është zhvilluar më 20 prill, citohet Koha. (b.an)
