Ministrja e Mbrojtjes, Olta Xhaçka, ka përshëndetur vendimin e Këshillit të Atlantikut të Veriut për të ndërtuar në Shqipëri bazën e parë ajrore në Ballkanin Perëndimor.
Përmes një postimi në “Facebook”, Xhaçka thotë se ky vendim është një vlerësim i madh për Forcat tona të armatosura.
“Në këtë 10-vjetor të anëtarësimit tonë në NATO, nuk mund të kishte vlerësim më të madh për seriozitetin, kontributin dhe përkushtimin, që pavarësisht kufizimeve e vështirësive, kanë treguar efektivët e forcave tona të armatosura.
Krenari për Forcat e Armatosura të Republikës së Shqipërisë! 🇦🇱”, shkruan ministrja Xhaçka.
Lajmin që NATO do të ndërtojë një bazë ushtarake në Shqipëri e dha kryeministri Edi Rama.
Në një shënim në facebook shefi i qeverrisë bëri me dije se “Me fondet e Aleancës së Atlantikut të Veriut dhe në partneritet me Qeverinë e Republikës së Shqipërisë, NATO do të investojë mbi 50 milion euro, vetëm për fazën e parë të projektit për modernizimin e bazës ajrore të Kucovë”.
a.ç
