Kryeministri Edi Rama shkruan se një linjë e re turistike ka ardhur në Shqipëri. Përmes një postimi në rrjetet sociale, Kryeministri shkruan se ‘National Geographic Orion’ është ankoruar për herë të parë në Portin Durrës me 108 turistë amerikanë.
Rama thekson se Shqipëria është përfshirë për herë të parë në këtë linjë prestigjioze që përshkon Greqinë, Shqipërinë dhe Kroacinë.
Kreu i qeverisë thekson se kjo linjë e re sjell vëmendjen ndërkombëtare mbi destinacionet tona historike dhe natyrore.
“Një linjë e re turistike për Shqipërinë. ‘National Geographic Orion’ akostohet për herë të parë në Portin Durrës me 108 turistë amerikanë. Shqipëria është përfshirë për herë të parë në këtë linjë prestigjioze që përshkon Greqinë, Shqipërinë dhe Kroacinë, duke sjellë vëmendjen ndërkombëtare mbi destinacionet tona historike dhe natyrore”, shkruan Rama.
