Natalie Portman është bërë nënë për herë të tretë. Aktorja, e cila është fituese e çmimit Oscar, u fotografua në Paris së bashku me partnerin e saj, muzikantin Tanguy Destable, dhe foshnjën e tyre.
Imazhet e siguruara nga Page Six tregojnë çiftin teksa shëtit në rrugët e kryeqytetit francez, ndërsa Destable mban të porsalindurin në një transportues dhe kujdeset për të.
Portman dhe Destable, 46 vjeç, kanë zgjedhur ta zhvillojnë lidhjen e tyre larg vëmendjes publike që nga nisja e saj në vitin 2025. Aktorja e bëri të ditur shtatzëninë në prill.
Në një bisedë me Harper’s Bazaar, Portman e përshkroi zgjerimin e familjes si një “privilegj” dhe “mrekulli”, duke folur për emocionet që po përjetonte.
“Unë dhe Tanguy jemi shumë të emocionuar”, kishte deklaruar ajo, ndërsa shtoi se kjo ishte “ndoshta hera e fundit” që do të ishte shtatzënë.
Aktorja ishte shprehur gjithashtu: “Këtë herë ka një qetësi dhe, duke e njohur veten, e di me kë dua të kaloj kohë, çfarë lloj energjie dua përreth meje. Kjo është ajo që e bën përvojën kaq të bukur çdo ditë”.
Natalie Portman jeton në Francë që prej vitit 2014. Ajo ka qenë e martuar me balerinin dhe koreografin Benjamin Millepied, me të cilin ka dy fëmijë: djalin Aleph, i lindur në vitin 2011, dhe vajzën Amalia, e lindur në vitin 2017.
Martesa e tyre mori fund në vitin 2023, ndërsa divorci u finalizua në shkurt të vitit pasardhës. Portman dhe Millepied vazhdojnë ta ndajnë kujdestarinë e fëmijëve.
Romanca mes Portman dhe Tanguy Destable u bë publike në mars të vitit 2025, kur ata u fotografuan së bashku për herë të parë.
Destable, i njohur në skenën muzikore me emrin Tepr, ka pasur më parë një lidhje me aktoren Louise Bourgoin. Me të, ai ka dy djem.
