Mbrojtësi i kombëtares Naser Aliji është prezantuar sot te Kaiserslautern i Gjermanisë, pasi ka nënshkruar kontratën trevjeçare.
Drejtori sportiv i “roten Teufel” (djajtë e kuq), Uwe Stöver, pret shumë nga futbollisti shqiptar.
“Me Naser Alijin ne kemi siguruar një mbrojtës të majtë shumë të mirë, i cili, pavarësisht moshës së re, ka arritur të përfitojë shumë eksperiencë në kampionatin zviceran, kombëtaret e moshave të Zvicrës e së fundmi me përfaqësuesen shqiptare. Ai do të na sjellë këtu mentalitetin që i nevojitet skuadrës”, tha Stöver për 22-vjeçarin në një prononcim të shkurtër për faqen e klubit gjerman.
d.i.
