Një trëndafil i përjetshëm i është kushtuar aktores Angela Lansbury, bashkë me një homazh të ndjerë nga NASA për vdekjen e saj.
Ndërsa ngushëllimet nisën të postoheshin, NASA fotografoi me teleskopin Spitzer një nga pamjet më të bukura të kozmosit në nder të Lansbury. Duke iu referuar disa vargjeve nga kolona zanore të filmit “E Bukura dhe Bisha”, ku aktorja luante zërin e znj. Potts, agjencia hapësinore shkroi:
“Përrallë e vjetër sa koha. E vërtetë sa ç’mund të jetë. Në kujtim të Angela Lansbury, ne ofrojmë këtë trëndafil kozmik të këputur nga teleskopi hapësinor Spitzer”.
Reagimet në rrjet ishin të menjëhershme duke e vlerësuar veprimin e agjencisë si diçka që i shkon për shtat yllit të kinemasë.
Aktorja, e cila ka luajtur shkrimtaren e mistereve Jessica Fletcher në “Murder She Wrote”, ndërroi jetë në moshën 96-vjeçare.
/s.f
