Listës së akademikëve tani i është shtuar dhe një tjetër emër, ai i politikanit Nard Ndoka. Kreu i PDK-së ka marrë çmimin “Akademik Nderi”, i Akademisë Internacionale të Shkencave COSTANTINIANA në Itali.
Një delegacion i Akademise Intërnacionale Konstadiniane te Shkencave Mjekësore, Juridike dhe Sociale te Italise
(Accademia Internazionale Costantiniana delle Scienze Medice Giuridiche e Sociali), i kryesuar nga rektori Paulo Goliani dhe sekretari i Pergjithshem Daniele Mariuto, i ka dorëzuar në Selinë e PDK, kryetarit të Partisë Demokristiane, Nard Ndoka dëshminë: “I nderuari doctor Nard Ndoka është regjistruar në Regjistrin e Akademikëve nga data 16.07. 2015 me përcaktimin: Akademik Efektiv Nderi, i dhënë në Tiranë Shqipëri, me 17.07. 2015.”
Në ceremoninë e organizuar me këtë rast, kryetari i Partisë Demokristiane zoti Ndoka, pasi i falendëroi miqtë për nderin e veçantë, per dhënien e titullit Akademik Nderi, i njohu ata me veprimtarinë e Partisë Demokristiane, me vështiresitë që ka kaluar kjo parti gjatë këtyre viteve, me projektin e saj politik, mbështetjen nga elektorati dhe rezultatet e arritura në zgjedhjet e fundit vendore, ku edhe pse ne këto zgjedhje konkurenca ishte e pabarabartë dhe pati një keq administrim të Votës, PDK u konfirmua ndër pesë partitë kryesore të Aleancës qeverisëse.
Z. Ndoka tha, se alternativa demokristiane në Shqipëri, pas kalvarit të gjatë të diktaturës, ku komuniteti i krishterë ishte më i përsekutuari dhe i privuar nga të drejtat më elementare, u ringjall me vështirësi, edhe për shkak të luftës që dy krahët politike i kanë bërë kësaj force politike, duke synuar eleminimin e saj nga skena politike.
Me shumë përpjekje Partia Demokristiane u ka rezistuar këtyre synimeve të errëta me frymë ekstremiste dhe anti-europiane edhe sot është një faktor politik i respektuar ne skenën politike shqiptare, me një mbështetje në rritje elektorale dhe me një kontribut thelbësor në orientimin europian dhe pro perendimor të Shqipërisë.
Nga ana e tij Rektori i Akademise Konstadiniane Z.Paulo Goliani, pasi falenderoi z. Ndoka për kontributin e tij për prezantimin dhe mbrotjen e vlerave kristiane dhe europiane në Shqipëri dhe për zbatimin e projektit politik qartës europian, projekt që ka ndërtuar europën moderne, theksoi se Akademia që mban emrin e perandorit të Romës me prejardhje ilire Konstandini i Madh, e ka për nder që prej sot ka në radhet e saj Zotin Ndoka si Akademik Nderi.
Perandori Konstandin, jo vetëm shndërroi Krishtërimin në fe zyrtare të Perandorisë dhe të Europës, por është ideatori i parë i një Europe të Bashkuar, ku popujte të jetojnë në paqe, në harmoni dhe në mirëqenie.
Akademia ka si objektiv të saj mbështetjen e ketyre vlerave thelbesore për Europën që duam të ndërtojmë dhe ku duam të jetojmë. Drejtësia, paqja dhe siguria europiane sigurohet nëpërmjet bashkpunimet të ngushtë të popujve dhe shteteve të saj, mbështetur në vlerat e saj kristiane dhe në vlerat shpirtërore dhe kulturore të secilit popull të saj.
Në fund të takimit u ra dakort për një bashkëpunim të ngushtë midis Akademisë Konstadiniane dhe Senatit Demokristian për realizimin e projekteve të përbashkët shkencor e kulturor.
