Napoli dërrmon Milanin me poker në “San Siro” duke u shkëputur me 2 pikë nga Interi në krye të klasifikimit të kampionatit italian të futbollit.
Kuqezinjtë e Mihës nuk u rezistuan miqve duke pësuar 4 gola dhe njëkohësisht humbjen e 4 në kampionat duke mbetur në kuotën e 9 pikë me vetëm 3 fitore në 7 javë.
Ndërsa Napoli këtë edicion duket se do të jetë një histori tjetër, pasi pas Juves i dha një shuplakë të fortë edhe një tjetër ekipi pretendent për të qenë në mesin e më të mirëve.
Golat për Napolin u shënuan 2 nga Insigne dhe një nga Allan, ndërsa për të plotësuar dështimin mendoi Elly me një autogol.
Një paraqitje shumë të mirë realizoi edhe shqiptari Hysaj.
Edhe pse erdhi me shumë bujë me këto rezultate i pari që rrezikon është serbi Mihajlovic, pasi drejtuesit e Milanit kanë treguar se nuk kanë shumë durim për të pritur suksesin.
