Aktori i talentuar Valerio Lombardi, i shoqëruar nga Emanuela Tittocchia prezantuan Çmimin e Festivalit kulturor Klasik të Napolit, mbajtur në Kishën e bukur të Santa Maria delle Grazie në Marigliano, me moton mbi citatin e James Joyce: “Të kërkojmë ngadalë, me përulësi, si edhe të shprehim vazhdimisht, apo të kthehemi për të shtrydhur nga toka e vrazhdë ose nga ajo që gjeneron, nga tingujt, format dhe ngjyrat, të cilat janë dyert e burgut të shpirtit tonë, një imazh dhe atë bukuri që kemi arritur ta kuptojmë: ky është arti i vërtetë”. Një tribut i vërtetë për festivalin e artit që Klasiku Kulturor i Napolit ka festuar për njëzet vjet.
Mes disa çmimeve, për seksionin e Artit Pamor per pjesën kërkimore, u nderua profesoresha shqiptare Najada HAMZA e arteve figurative në Akademinë e Arteve të Bukura në Tiranë, drejtuese e departamentit të Arteve Pamore në Akademinë e Arteve të Bukura të Tiranës dhe nënkryetare e senatit akademik, “një grua që përfaqëson me pasion kultura shqiptare në botë”, si u shpreh media vendase.
Shoqata Klasike Kulturore Napoli me këtë çmim i jep mirënjohje çdo vit punës së profesionistëve që kryejnë aktivitetet e tyre në një mënyrë të veçantë dhe të shkëlqyeshme në sektorë të veçantë që përfaqësojnë 5 seksionet e çmimit, të ndarë si më poshtë:
Çmimi NCC për Seksionin Shkencor, Seksioni i Mjedisit dhe Territorit, Seksioni i Kulturës, Seksioni i Arteve Pamore dhe Seksioni i Argëtimit. Disa nga artistët, që kanë fituar janë Vittorio Sgarbi, Helidon Xhixha, Pan Lu Sheng, Liu Rouëang, Zenh Yi, Melsi Labi, Michele Stanzione, Nacy Motta, pianisti Giovanni Allevi, gazetarët Mariluisa Busi dhe Tiziana Ferrario, aktorët Massimo Andrei, Donatella Finocchiao, Gea Martire, Riccardo Reim, Pino Micol, Mimmo Calopreste, Enzo Moscato, Manuele Morgese, Anna Mazzamauro, Isa Daniele, Srah Maestri, Lando Buzzanca, Imma Villa, Peppino Mazzotta, shkrimtarët Maurizio Di Giovanni, Claudio Volpe dhe shumë të tjerë.
Shoqata Klasike Kulturore Napoli ka krijuar gjate ekzistencës se vet bashkëpunime të rëndësishme me vendet e huaja duke përfshirë këtu SHBA, Meksikën, Francën, Rusinë, Libanin, Spanjën, Kinën, Bjellorusinë, Shqipërinë, Gjermaninë dhe këtë vit ka shtuar një histori të re edhe me pjesëmarrjen e artistëve të mëdhenj ukrainas. perqasje.com
