Naftëtarët kanë vijuar edhe ditën e sotme protestën në qendër të Ballshit, duke kërkuar me çdo kusht rrogat për muajin nëntor. Janë rreth 1000 punëtorë të uzinës së naftës në Ballsh, të cilët vijojnë prej tre ditësh protestës, duke kërcënuar se do kalojnë në protesta të dhunshme nëse nuk plotësohen kërkesat e tyre.
Naftëtarët protestuan edhe dy ditët e kaluara, ndërsa sot kanë thënë se do të zhvillojnë protesta pa afat deri në zgjidhjen e problemit të tyre. Ata kanë tre kërkesa kryesore, duke filluar me rrogën e muajit nëntor, vazhdimësinë e punës në uzinë, e cila është ndërprerë prej javësh, si dhe statusin e naftëtarit.
Ata kanë kërcënuar se nëse zgjidhja nuk merret sa më shpejt, protestat do të përshkallëzojnë deri në arritjen e tyre në Tiranë.
