Rafael Nadal dhe Roger Federer janë kualifikuar në raundin e katërt të US Open, duke mposhtur rivalët e tyre pa shumë vështirësi.
Numri një në botë, Nadal fitoi 3-1 në sete ndaj argjentinasit, Leonardo Mayer, 6-7(3-7), 6-3, 6-1 dhe 6-4, ndërsa Federer e mposhti spanjollin Feliciano Lopez 3-0 në sete, 6-3, 6-3 dhe 7-5, transmeton KP.
Në raundin e katërt, Nadal do të luajë kundër ukrainasit, Alexandr Dolgopolov, ndërsa Federer kundër gjermanit Philipp Kohlschreiber.
Nadal dhe Federer mund të takohen në gjysmëfinale të US Open, nëse arrijnë të kualifikohen deri në atë fazë. (b.an)
