Ministri i Drejtësisë Nasip Naço vijon të kritikojë punën e bërë nga ana e Këshillit të Lartë të Drejtësisë.
Në një intervistë për Vizion Plus, ministri Naço e ka cilësuar KLD si një institucion jo eficent. Sipas tij KLD nuk po kryen asnjë nga detyrat qe i ngarkon kushtetuta.
Këtë Ministri i Drejtësisë e argumenton duke u shprehur se nga 15 kërkesa qe i janë drejtuar për shkarkim te gjyqtareve, KLD ka pranuar vetëm një. Sipas Naços shkeljet kanë qenë flagrante siç ishte ajo e gjyqtarit të Kavajës, Osman Aliu, i cili vazhdon të jetë ende në detyrë. Lidhur me këtë të fundit, Naço i dorëzuar kërkesën Presidentit Nishani për ta shkarkuar gjyqtarin Aliu.
Më tej Ministri kërkon edhe zbatimin e ligjit antimafia për të gjithë zyrtaret që kanë pasuri të pajustifikuara.
Naço është ndalur edhe në vendimin e Gjykatës Kushtetuese për të rrëzuar ngritjen e Byrosë Kombëtare të Hetimit. Sipas ministrit, vendimi nuk ishte i drejtë pasi Byroja nuk do të dublonte KLD-në.
Por ministri nënvizon se Kushtetuesja është pjesë e institucioneve qe do t’i nënshtrohen reformës në drejtësi, së bashku me shkallët e tjera të gjyqësorit dhe Prokurorinë.
Redaksia Online
(Javanews.al)
