Mes debateve të forta është shoqëruar mbledhja e strukturave të Partisë për Drejtësi Integrim dhe Unitet në qarkun e Vlorës. Ka qenë vetë kryetari PDIU Shpëtim Idrizi i cili është përballur me pyetjen e bazës së kësaj partie në Vlorë, që ka kërkuar shpjegime në lidhje me mungesën e deputetit Dashamir Tahiri i cili jo në pak raste është parë pranë demokratëve.
Por në fjalën e tij Idrizi ka sqaruar se PDIU dhe Dashamir Tahiri kanë axhendë të ndryshme, duke lënë të kuptohet se deputeti nuk do të jetë më pjesë e kësaj force politike.
Po nga ky takim, kreu i PDIU ka bërë të ditur se pas koalicion për bashkëqeverisje me PS, do të kërkojë postin e zëvendësministrit të jashtëm.
“Do kërkojmë zv/ministrin e Jashtëm. PDIU rikonfirmohet një forcë politike e fortë. Jemi koalicion, do mbështesim koalicionin. Deputeti Dashamir Tahiri ka një axhendë tjetër. Tahiri s’është në linjën e kryetarit të PDIU. PDIU është “një” edhe pse Tahiri nuk është. PDIU do të ketë përfaqësi në qeveri”. është shprehur Idrizi
Takimi i Idrizit në Vlorë vjen një ditë para vizitës që pritet të zhvillojë nesër deputeti i PDIUsë Dashamir Tahiri. Ky i fundit është shprehur publikisht kundër marrëveshjes së PDIU me PS. Madje gatë prezantimit të kandidaturës së PD për Vlorën por edhe në protestën e opozitës në qytetin bregdetar, deputeti Dashamir Tahirit është shfaqur në në krah të Bashës.
