Pas miratimit si Ministër i Drejtësisë, Ylli Manjani mori në dorëzim dosjen e punës nga Nasip Naço, në ambientet e Ministrisë së Drejtësisë. Pavarësisht se nga dita e enjte Nasip Naço nuk është më Ministër, Ylli Manjani iu drejtua këtij të fundit me këtë titull teksa mori prej tij dosjen e punës.
“Erdha këtu bashkë me objektiva të realizuara. Edhe njëherë z. Manjani urime dhe suksese bashkë me këtë staf të mrekullueshëm”- tha Naço.v
“Z. ministër ti je me ne, ne kemi nevojë për ty, për kontributin, qetësinë filozofinë tuaj në këtë drejtim. Dua të siguroj juve dhe të gjithë kolegët tuaj se do të duhet ta vazhdojmë aty ku e keni lënë ju. Do e përmirësojmë sigurisht”- tha Manjani.
Më tutje, Ministri i Drejtësisë Ylli Manjani shprehu bindjen se do të çojë përpara luftën kundër korrupsionit si dhe përmbushjen e kërkesave të progres raportit të KE.
“Jemi fiks pas daljet të raportit të progresit. Nuk kam ardh të ndryshoj prioritet por të shpreh vendosmërinë për të çuar të gjitha rekomandimet e progres-raportit. Nga A te Zh nuk kemi asgjë tjetër për të bërë. Nëse bëjmë atë kemi arritur misionin e shenjtë për të afruar Shqipërinë me BE-në të gjitha të tjerat kalojnë në plan të dytë. Lufta pa asnjë kompromis ndaj korrupsionit,. Atë që Naço ka nis do të duhet ta vazhdojmë dhe ta thellojmë, është shumë e rëndësishme. Ne nuk jemi institucion që japim drejtësi, por që i shërbejmë drejtësisë. Ofrojmë shërbime juridike. Të qeverisim mirë, me transparencë. Korrupsioni është armiku kryesor i joni i të gjithëve ne. Do ta vazhdojmë aty ku e la ministri Naço për ta çuar më tej. Procesi legjislativ është gjëja më e debatuar sot për sot, edhe në progres-raporti”, tha Ministri Manjani.
