Pas dy orësh, Sali Berisha ka mbyllur protestën teksa është larguar me makinë. Ndërsa deputetët e tjerë kanë qendruar të vetëm, pa mbështetje, anash rrugëve derisa të shkojë ora 20:00 meqenëse deri atëherë kanë njoftuar mosbindjen.
Për mediat Berisha tha se e do shume Zoti teksa ka akuzuar Policinë se ka dhunuar Agron Gjekmarkaj dhe Gazment Bardhin.
“Dënoj me forcë më të madhe dhunën e urdhëruar nga Edi Rama ndaj nënkryetarit të Parlamentit dhe nënkryetarit të PD, Agron Gjekmarkaj, ndaj nënkryetari të PD dhe kryetarit të grupit parlamentar, Gazment Bardhi.
I them Edi Ramës dhe Ervinit me 3 mbiemra se këto akte i marrim personale.
Ndaj ftoj demokratët që ti gjuajnë kudo që ti shohin këta kriminele me vezë dhe domate në cdo rast.
Kjo kërkon që sapo t’i shifni makinat e tyre, ose ata vetë, drejtuar breshëri vezë dhe domate.
Duhet të marrin përgjegjësinë. Ai që ka goditur Gjekmarkajn, ai ka marrë skemë nga Edi Rama.
Dhe Gazment Bardhin, të cilin Rama e urren sepse po ja dërgon të vëllain dhe vetë Ramën në burg”, vijoi Berisha, duke theksuar se sot ishte një ditë triumfi.
