Përfaqësuesi i Aleancës për Ardhmërinë e Kosovës, Lulzim Leci ka dorëzuar në KQZ aplikimin për koalicionin parazgjedhor mes AAK-së dhe Partisë Socialdemokrate të Shpend Ahmetit.
Leci theksoi se ky koalicion do të jetë shpresë për qytetarët e Kosovës.
“Sot kemi dorëzuar formularin e pëlqimit të koalicionit me Aleancës për Ardhmërinë e Kosovës dhe Partisë Socialdemokrate të cilën e kanë nënshkruar të dy kryetarët e subjekteve politike. Shpresojmë dhe besojmë që ky është koalicioni i shpresës së qytetarëve për një qeverisje katër vjeçare”, ka thënë Leci.
Pak minuta më pas, lajmi është konfirmuar edhe nga vetë Ramush Haradinaj.
“Qytetarë të dashur, Sapo aplikuam për zgjedhje, si koalicion AAK-PSD, për jetësimin e 100% shtet. Na priftë e mbara!” – shkruan ai.
Ky është koalicioni i dytë që është dërguar sot në KQZ pas aplikimit të tri subjekteve politike boshnjake si koalicion i përbashkët për zgjedhjet e 6 tetorit. Partitë kanë kohë deri në mesnatën e së premtes që të dorëzojnë aplikacionet për koalicione parazgjedhore.
/javanews/a.r
