Kryedemokrati Lulzim Basha ka kujtuar Sokol Olldashin, 6 vite nga ndarja nga jeta. Teksa ka postuar një foto me djalin e të ndjerit Olldashi, Glauk Olldashi, Basha shkruan se sot të gjithëve i mungon Sokoli. Basha thotë se Glauku po ecën në gjurmët e të atit.
“Sokol Olldashi do të ishte krenar të shikonte se si djali i tij i madh Glauku po ecën ne gjurmët e tij. Jam i bindur se Glauku, të rinjtë demokratë dhe rinia shqiptare do ta përmbushin me sukses misionin e Shqipërisë si gjithë Europa. Na mungon Sokoli”, shkruan Olldashi.
Olldashi një nga figurat më të shquara të PD, humbi jetën më datë 20 nëntor 2013, pas një aksidenti të rëndë në Kërrabë. Për aksidentin e Sokol Olldashit në atë kohë u përfol shume dhe shkak për vdekjen e tij u dyshua të ketë qenë lagështia dhe shpejtësia e lartë me të cilën Olldashi ka udhëtuar. Makina e tij për shkak të shpejtësisë së madhe dhe kthesës së pjerrët humbi kontrollin, duke u rrëzuar 20 metra poshtë në humnerë, ku ish deputeti gjeti vdekjen e menjëhershme. /e.s/
