Një grua 59-vjeçare u sulmua nga një gjarpër që kishte hyrë në tualetin e shtëpisë. Ngjarja ka ndodhur në Australi ditën e martë. Helen Richards ndjeu një pickim dhe pa se ishte kafshuar nga gjarpri.
Ajo lajmëroi autoritetet kompetente, të cilët më pas larguan zvarranikun nga banesa. Gruaja kishte pësuar një plagë të vogël nga kafshimi i tij. Fatmirësisht kafshimi ishte pa helm. Një kujdestar i gjarpërinjve tha se kjo është një situatë e zakonshme në Australi, ku gjarpërinjtë kërkojnë të qëndrojnë në vende të lagështa në temperatura të tilla të larta që kanë goditur vendin. Zakonisht këta zvarranikë qëndrojnë nëpër tualete.
Gjarpri që kafshoi 59-vjeçare është një piton, specie e zakonshme përgjatë bregut lindor të Australisë. Ata nuk janë helmues, por në rast kafshimi prej tyre është i nevojshëm që të bëhet tetanozi. Gjatë dy javëve të fundit, Australia është përballur me temperatura rekord nxehtësie duke arritur deri në 50 gradë Celsius.
a.cupaj
