Prokuroria e Posaçme kundër Korrupsionit dhe Krimit të Organizuar ka lëshuar një urdhër ku i ndalon hyrjen në vendin tonë lideres së muaxhahedinëve Maryam Rajavi.
Lajmi është bërë i ditur nga mediat iraniane, të cilat raportojnë se Rajavi nuk do lejohet më të hyjë në Shqipëri.
Sipas agjencisë së lajmeve me bazë në Iran, “Tasnim“, është Gjykata Speciale në Shqipëri ajo që ka nxjerrë një urdhër për ndalimin e hyrjes së Rajavit në vendin tonë.
Rajavi qëndron prej vitesh në Francë, aty ku strehohet një tjetër numër i madh muxhahedinësh.
Më herët gjatë këtij viti, marrëdhëniet mes muxhahedinëve dhe shteteve që i strehojnë si Shqipëria,
Franca dhe SHBA që i përkrah, u krisën pas kontrolleve të policisë në vendstrehimet e tyre.
Në Shqipëri, Policia organizoi një aksion të madh kontrolli në Manëz të Durrësit, ku u sekuestruan dhjetra pajisje elektronike që përdoreshin nga anëtarët e MEK. SPAK dyshon se ata kanë kryer sulme kibernetike ndaj Iranit nga baza e tyre në Manëz.
Po ashtu në Francë, autoritetet i mohuan muxhahedinëve disa kërkesa të njëpasnjëshme për organizime protestash./m.j
