Sulmuesi kontrovers i Rumanisë, Adrian Mutu, po shpreson se paraqitja e mirë te skuadra e re, Pune City nga India mund t’i sigurojë atij paraqitjen në “Euro 2016” dhe rastin për t’u bërë golashënuesi më i mirë në shtetin e tij. Mutu, 36-vjeçar, i cili dy herë është suspenduar për shkak të dopingut derisa ishte pjesë e Fiorentinës dhe Chelse-at, do të kthehet në fushë gjatë muajit të ardhshëm pas një pauze njëvjeçare, shkruan “Koha Ditore”. Ai ka zbuluar se biseda që ka pasur me seleksionuesin e Përfaqësuesen e Rumanisë, Anghel Iordanescu, i ka dhënë atij shpresë se do të kthehet tek ekipi rumun, ku paraqitjen e fundit e ka pasur para dy vjetësh.
