Ish-Ministri i Jashtëm, Besnik Mustafaj, ka folur për nismën e disa deputetëve të Partisë Demokratike, për heqjen e 20 shkurtit si një datë përkujtimore dhe zëvendësimin e saj me datën 26. Për Mustafajn, kjo është një mungesë kohezioni në opozitë dhe nuk duhej të ndodhte.
“Vendosja e kësaj date është triumfi i vërtete mbi komunizmin Është një improvizimi, që tregon mungesën e kohezionit që ka PD në aksionin e saj. 26 shkurti sjell në memorien e kombit tonë një nga aktet më barbare”, u shpreh Mustafaj per News24.
Ndërsa në lidhje me pyetjen nëse kjo është një vendim i Bashës për t’i bërë karshillek Berishës, Mustafaj deklaroi: Nuk besoj që zoti Basha është kaq i strukturuar, dhe tërheqja tregon se dikush u ka sjelle në mendje budallallekun që ka bërë.
Duke u ndalur tek zgjedhjet vendore që pritet të zhvillohen vitin e ardhshëm, Mustafaj tha se zgjedhjet lokale nënvlerësohen nga partitë politike. Ai thotë se kjo do të jetë përballja e tretë e Bashës në zgjedhje, qofshin ato parlamentare apo vendore, nga koha kur është vendosur në krye të PD-së. Sipas Mustafajt, një tjetër humbje në zgjedhje, do të ishte “vdekja e tij përfundimtare politike”.
Sakaq, ai ka komentuar edhe ligjin për gjuhën në Maqedoni, të cilin e cilësoi si jo të përsosur, por “hap me rëndësi, i dobishëm, dhe kushtetues”. Mustafaj tha se Presidenti Ivanov nuk do të mundë ta bllokojë ligjin, duke theksuar se shqiptarët në Maqedoni janë shtetformues.
ma.me
