Ish-ministri i Jashtëm, Besnik Mustafaj ka sqaruar edhe arsyet e dorëheqjes së tij nga partia, marrëdhënien me Berishën dhe ftesën e Fatos Nanos për të qenë ministër i tij. Në një bisedë me studentë e pedagogë të Universitetit Europian të Tiranës, Mustafaj ka treguar dy episodet, atë kur Berisha e ka propozuar për t’u rikthyer dhe për t’u bërë deputet dhe ftesën e ish-kryeministrit Fatos Nano për t’u bërë ministër i qeverisë së tij.
“Sa u takon ftesave për t’u rikthyer në PD , unë kam pasur ftesa edhe në 2013 nga Sali Berisha për t’u rikthyer dhe për t’u bërë deputet, dhe asaj ftese i kam thënë “Jo”. Aq më të lehtë e kam me Bashën, i cili në mënyrë sistematike më ka bërë ftesë për të qenë pjesë e PD-së në mënyrë aktive, pavarësisht kritikave të vazhdueshme që unë kam bërë. Unë përpara zgjedhjeve vendos të hesht, bëj një moratorium, si të thuash, për të mos e dëmtuar partinë në zgjedhje”- thotë Mustafaj.
Ai ka shtuar se nuk e ka ndjerë veten të gatshëm. “Unë kam ikur vetë nga politika, nuk më ka përzënë njeri. Çdo lloj tentative për të thënë se e hoqi Saliu, është e pavërtetë” – tha ai.
Më tej, ai rrëfyer edhe propozimin që i ka bërë Nano.
“Kam refuzuar disa herë të jem ministër. Për herë të parë kam refuzuar të jem ministër nga Nano. Më ka propozuar Fatos Nano të jem ministër. Ka qenë i pari njeri që më ka prezantuar të jem ministër. Kam refuzuar të jem ministër në qeverinë e stabilitetit. Kam refuzuar të jem ministër në qeverinë e parë të Partisë Demokratike”- thotë Mustafaj.
ma.me
