Kryeministri i Republikës së Kosovës, Isa Mustafa, është informuar zyrtarisht nga Ambasada e Kosovës në Berlin, se në mesin e viktimave të sulmeve të mbrëmshme vdekjeprurëse në Mynih, janë edhe tre të rinj shqiptarë.
Kryeministri Isa Mustafa, në emër të qeverisë së Republikës së Kosovës, i shpreh ngushëllimet më të sinqerta familjarëve për këto humbje të pakompensueshme.
“Qeveria dhe qytetarët e Republikës së Kosovës qëndrojnë pranë familjarëve të viktimave dhe bashkëndjejnë dhimbjen, në këto momente të rënda për të gjithë”, shprehet Mustafa.
Kryeministri Mustafa i dërgoi një telegram ngushëllimi edhe Kancelares Gjermane Angela Merkel, duke i shprehur ngushëllimet dhe solidaritetin e qytetarëve dhe të qeverisë së Kosovës. (java / r.a)
